Օգտագործման պայմաններ

1. Ծառայությունը

«Ինքնակենսագրական» ծառայությունը առցանց գործիք է, որը թույլ է տալիս ստեղծել, խմբագրել և PDF ձևաչափով ներբեռնել ինքնակենսագրականներ (CV)։ Ինքնակենսագրականի պարզ սև-սպիտակ PDF-ը ներբեռնելն անվճար է։

2. Հաշիվ

Ծառայությունից, այդ թվում՝ ներբեռնելուց և գնելուց, կարող եք օգտվել առանց հաշվի։ Առանց հաշվի գնված ինքնակենսագրականը հասանելի է միայն այն դիտարկիչից, որով գնվել է։ Հաշիվ կարող եք բացել էլ. փոստով և գաղտնաբառով կամ Google-ով։ Դուք պատասխանատու եք Ձեր գաղտնաբառի գաղտնիության համար։

Կարող եք ցանկացած պահի ջնջել Ձեր հաշիվը «Հաշիվ» էջից։ Ջնջելով՝ ջնջվում են նաև Ձեր բոլոր ինքնակենսագրականները։

3. Վճարում

Մեկ ինքնակենսագրականի՝ ընտրված ձևանմուշով և դիզայնով PDF ներբեռնման գինը 2,000 ֏ է՝ մեկանգամյա վճարով։ Բաժանորդագրություն չկա։

Վճարումը կատարվում է Ամերիաբանկի անվտանգ վճարային էջում։ Քարտի տվյալները չեն փոխանցվում և չեն պահվում մեր կողմից։

Վճարելուց հետո տվյալ ինքնակենսագրականը մնում է Ձերը՝ անսահմանափակ խմբագրմամբ և ներբեռնմամբ։ Ինքնակենսագրականի պատճենը (կրկնօրինակը) համարվում է նոր ինքնակենսագրական և վճարովի է առանձին։

4. Բովանդակություն

Ինքնակենսագրականի բովանդակությունը պատկանում է Ձեզ։ Դուք երաշխավորում եք, որ այն ճշմարիտ է և չի խախտում երրորդ անձանց իրավունքները։

Ձևանմուշները և ծառայության դիզայնը պատկանում են ծառայությանը։ Տառատեսակները տրամադրված են իրենց հեղինակների անվճար լիցենզիաներով։

5. Պատասխանատվություն

Ծառայությունը տրամադրվում է «ինչպես կա» սկզբունքով։ Մենք չենք երաշխավորում աշխատանքի ընդունում կամ որևէ կոնկրետ արդյունք։

6. Կապ

Հարցերի դեպքում գրեք cv-builder@eapps.site հասցեին։